Тексерумен 7 медициналық ұйым қамтылды, АИТВ-ға 745 адам, оның ішінде 118 донор, 396 пациент, 231 медицина қызметкері зерттеліп-қаралды. Барлығының АИТВ-ға теріс нәтижелері бар.

Пациенттердің гемотрансфузиялық және жыныстық жолмен жұқтыруын эпидемиологиялық тексеру барысында пациенттердің барлық донорлары мен жыныстық серіктестерінде АИТВ-ға теріс нәтиженің болуына байланысты алынып тасталды.

Негізгі ауру бойынша ауруханаға түскен және АИТВ инфекциясының инкубациялық кезеңінде болуы мүмкін инфекцияның ықтимал көзі («нөлдік пациент») анықталды.

АИТВ-статусымен анықталған 3 пациент бір мезгілде ықтимал «нөлдік» пациенті бар ОҚКА-ның реанимация бөлімшесінде болды. АИТВ инфекциясының ескіру мерзімін анықтау нәтижелеріне сәйкес  барлық үш пациентке ерте инфекция диагнозы қойылған. 4 пациенттің үлгілерін генотиптеу және филогенетикалық талдау АИТВ ген фрагменттерінің толық сәйкестігін көрсетті, бұл инфекцияның жалғыз көзін көрсетеді.

Жағдай тұрақтандырылды, қосымша жұқтыру қаупі бар пациенттер жоқ, стационар штаттық режимде жұмыс істейді.

Қазіргі уақытта АИТВ инфекциясы анықталған барлық үш пациент Алматы қаласының ЖИТС орталығына диспансерлік есепке қойылды, оларға барлық қажетті медициналық және психологиялық көмек көрсетілуде.

Комиссия жұмысының нәтижелерімен материалдар құзыреті бойынша құқық қорғау органдарына берілді.

Қалыптасқан жағдайды ескере отырып, Комиссия қорытындыларының негізінде жергілікті атқарушы орган ОҚКА-ның директорын, директордың эпидемиологиялық жұмыс жөніндегі орынбасарын, реанимация бөлімшесінің меңгерушісін, стационардың бас және аға мейіргерлерін атқаратын лауазымдарынан босату туралы шешім қабылдады.

Ел бойынша ауруханаішілік инфекция бойынша санитариялық-профилактикалық және санитариялық-эпидемияға қарсы шараларды күшейту мақсатында Министрлік нормативтік құқықтық актілерге өзгерістер енгізу жөніндегі шараларды қамтитын денсаулық сақтау ұйымдарында медициналық көмек көрсетуге байланысты инфекциялардың профилактикасы жөніндегі іс-шаралар жоспарын әзірлеп, қабылдады.