Фармацевтикалық қызметке лицензия немесе лицензияға қосымша алу үшін Комитеттің аумақтық департаментіне www.egov.kz, www.elicense.kz «электрондық үкіметтің» веб-порталы арқылы өтініш жіберу қажет. Сіз денсаулық сақтау – фармацевтикалық қызмет қойындысын басу арқылы мемлекеттік қызметті пайдалана аласыз. Әрі қарай, сізге қажет кіші қызмет түрін таңдау керек. Дәріханалар үшін бұл «дәрі-дәрмектерді бөлшек саудада сату» болады.
Өтініш нысанының үлгісін ҚР Денсаулық сақтау министрінің № ҚР ДСМ-45 бұйрығынан таба аласыз (1 немесе 2-қосымшаны қараңыз). Құжатпен сілтеме бойынша танысуға болады: https://adilet.zan.kz/kaz/docs/V2200028085.
Өтінішке біліктілік талаптарына сәйкестігі туралы мәліметтерді (нысанды ҚР Денсаулық сақтау министрінің № ҚР ДСМ-45 бұйрығына 3-қосымшадан таба аласыз) және бюджетке 10 АЕК мөлшерінде лицензиялық алым төленгенін растайтын құжаттың электрондық көшірмесін қоса беру қажет.
Дәріханаларға лицензия алу үшін біліктілік талаптары қойылады. Бұл бөлмеге, жабдыққа, қызметкерлерге және т. б. қатысты.
Біліктілік талаптары ҚР Денсаулық сақтау министрінің № ҚР ДСМ-148 бұйрығында жазылған. Құжатпен сілтеме бойынша танысуға болады: https://adilet.zan.kz/kaz/docs/V2000021502.
Естеріңізге сала кетейік, апта сайын, әр бейсенбі сайын сағат 15:00-де Комитеттің аумақтық департаменттері мемлекеттік қызмет көрсету мәселелері бойынша консультациялар өткізеді.
