Конкурсты өткізу мерзімі: 18.10.2024 – 10.12.2024
Конкурс екі кезеңнен өткізіледі:
I (өңірлік) кезең (18.10.2024 – 15.11.2024) – өңірлік, облыс (республикалық маңызы бар қалалар және астана) деңгейінде өткізіледі, онда конкурстық комиссия ІІ (республикалық) кезеңге қатысу үшін ұсынатын конкурстың жеңімпаздары айқындалады:
1) өңір (облыс, республикалық маңызы бар қала, астана) деңгейінде – 15 номинация бойынша «Үздік стационар дәрігері», «Үздік медициналықсанитариялық алғашқы көмек дәрігері», «Үздік жедел жәрдем дәрігері», «Үздік ауыл дәрігері», «Үздік провизор», «Үздік денсаулық сақтау менеджері», «Үздік санитариялық-эпидемиологиялық бейін дәрігері», «Үздік санитариялық-эпидемиологиялық сараптама маманы», «Үздік денсаулық сақтаудағы әлеуметтік қызметкер», «Үздік стационар мейіргері», «Үздік медициналық-санитариялық алғашқы көмек мейіргері», «Үздік ауыл мейіргері», «Үздік акушер», «Үздік фельдшер», «Үздік медицина колледжі оқытушысы»;
2) медициналық ЖОО-лар, ҒЗИ, ҒО, сондай-ақ көп бейінді ЖОО-лар жанындағы медициналық факультеттер, медицина мектептері деңгейінде – 2 номинация бойынша «Үздік медициналық ЖОО оқытушысы», «Үздік денсаулық сақтаудағы ғалым». II (республикалық) кезең (18.11.2024 – 10.12.2024) — Қазақстан Республикасы Денсаулық сақтау министрлігі деңгейінде.
Конкурстың II кезеңіне әрбір номинация бойынша өңірлік деңгейде тиісті номинация бойынша конкурстың бір ғана үміткер – жеңімпазы ұсынылуы мүмкін. Конкурстың номинациялары:
1. Үздік стационар дәрігері
2. Үздік медициналық-санитариялық алғашқы көмек дәрігері
3. Үздік жедел жәрдем дәрігері
4. Үздік ауыл дәрігері
5. Үздік провизор
6. Үздік денсаулық сақтау менеджері
7. Үздік медициналық ЖОО оқытушысы
8. Үздік санитариялық-эпидемиологиялық бейін дәрігері
9. Үздік санитариялық-эпидемиологиялық сараптама маманы
10. Үздік денсаулық сақтаудағы әлеуметтік қызметкер
11. Үздік медицина колледжі оқытушысы
12. Үздік денсаулық сақтаудағы ғалым
13. Үздік стационар мейіргері
14. Үздік медициналық-санитариялық алғашқы көмек мейіргері
15. Үздік ауыл мейіргері
16. Үздік акушер
17. Үздік фельдшер
Қатысу шарттары: 2024 жылғы 28 маусымдағы № 44 «Өз кәсібінің үздiгі» атағын берудің бекітілген қағидаларына сәйкес (мемлекеттік тіркеу № 34653).
Конкурсты өткізу кезеңдері:
1) қағидаға сәйкес конкурсқа қатысуға өтінімдерді қабылдау – 18.10-31.10.2024;
2) Өңірлік конкурстық комиссияның жұмысы - 01.11-13.11.2024;
3) ҚР ДСМ-ге конкурстың республикалық деңгейінде қатысу үшін әрбір номинация бойынша 1 үміткерді беру - 15.11.2024;
4) Республикалық конкурстық комиссияның жұмысы және конкурс қорытындыларын ҚР ДСМ ресми сайтында жариялау – 18.11.2024 – 10.12.2024.
«Өз кәсібінің үздiгі» атағының марапаты: «Өз кәсібінің үздiгі» республикалық конкурсының әр номинация бойынша жеңімпаздарына 500 айлық есептік көрсеткіш мөлшерінде біржолғы төлем беріледі.
Дереккөз: Қазақстан Республикасы Денсаулық сақтау министрлігінің ресми интернет-ресурсы.
