Шешім қабылдау ЕАЭО-қа мүше мемлекеттердің халықаралық міндеттемелерінің орындалуын қамтамасыз етуге мүмкіндік береді, өйткені бұған дейін БҰҰ Есірткі құралдары жөніндегі комиссиясының 64-65 сессиясының қорытындысы бойынша есірткі құралдары туралы бірыңғай Конвенция қосымшасына изотонитазен, брорфин, метонитазен; психотроптық заттар туралы Конвенция қосымшасына – CUMYL-PEGACLONE, MDMB-4en-PINACA, 3-метоксифенциклидин, дифенидин, клоназолам, диклазепам, флубромазолам, эутилон, есірткі және психотроптық заттардың заңсыз айналымына қарсы күрес туралы БҰҰ Конвенция қосымшасына – 4-AP, 1-boc-4-AP, норфентанил енгізілген.

Шешім ресми жарияланған күнінен бастап 30 күнтізбелік күн өткен соң күшіне енеді.

Бұдан басқа, ЕЭК Алқасы дәрілік препараттар ретінде медициналық қолданылуы тиімсіз деп танылған әсер етуші заттар мен әсер етуші заттардың ұтымсыз комбинацияларының тізбесін қабылдады.

Құжат біріктірілген препараттардың тиімділігі мен қауіпсіздігін талдау және осындай ұтымсыз комбинацияларды айналымға жібермеу кезінде сараптамалық ұйымдардың дәрілік препараттың тіркеу құжаттамасын бағалаудың бірыңғай тәсілдерін белгілеуге мүмкіндік береді.

Әзірленген құжат фармацевтикалық өндірушілерге ұтымсыз комбинацияларды әзірлеу кезінде артық шығындарды көтермеуге мүмкіндік береді.

Дереккөз: ЕЭК ресми сайтына сілтеме жасай отырып, Қазақстан Республикасы Денсаулық сақтау министрлігі Медициналық және фармацевтикалық бақылау комитетінің баспасөз қызметі.